17 красавіка 2019 г. намеснік загадчыка па асноўнай дзейнасці Паўленка А.М., выхавальнік дашкольнай адукацыі Пажарыцкая Н.І. дзяржаўнай установы адукацыі “Яслі-сад № 1 г. Круглае” прынялі ўдзел у абласным этапе рэспубліканскага фестывалю педагагічных ідэй “Каб мова родная гучала…”
На фестываль прадстаўлен план тэматычнага тыдня “Спачатку было слова…” і метадычная распрацоўка квэст-гульні для выхавальнікаў дашкольнай адукацыі.
З удзельнікамі мерапрыемства праведзены майстар-клас “Новае - гэта добра забытае старае”. У працэсе актыўнага ўзаемадзеяння педагогі пазнаёміліся з паняццем “квест-гульня” і алгарытмам яе стварэння. Паглыбілі веды аб відах квест-гульняў, якія выкарыстоўваюцца ў рабоце з дзецьмі дашкольнага ўзросту, методыкай іх правядзення.